Kreu i PD-së Sali Berisha ka hedhur akuza ndaj Policisë së Shtetit duke e bërë përgjegjëse vrasjen e 32-vjeçarit Lear Kurti.
Në një prononcim për mediat jasht Parlamentit, Berisha tha se policia po gënjen si në rastin e Klodian Rashës dhe se sipas burimit të tij, janë sjellë shtazërisht dhe në komisariat e kanë sjellë pa ndjenja ose të vdekur.
“Policia gjithnjë gënjen, siç tha për Klodian Rashën. Prisni kur të na thonë se në një pellg ishte një revole. E kanë ndjekur, pse nuk paraqiti dokumentin, në një distancë të gjatë shumë.
E kanë kapur, e kanë futur në makinë, janë sjellë shtazërisht me të dhe burimi thotë se në komisariat e kanë sjellë pa ndjenja ose të vdekur. Nuk kanë marrë autoambulancë, nuk kanë thirrur autoambulancë, nuk e kanë çuar në spital, por de fakto në morg. Gjithçka tregon se është dora kriminale e vrasësve me uniformë që i morën shpirtin një 32-vjeçare. Kishte 1000 mënyra të tjera për t’u sjellë ndaj atij të riu.
Policia është e mbushur më vrasës dhe trafikante. Me këtë rast u bëj thirrje të gjithë të rinjve që të protestojnë me të madhe” tha Berisha.
