Një ngjarje e papritur ka ndodhur gjatë protestës që po mbahet në kryeqytet para Ministrisë së Brendshme për të kërkuar drejtësi për të riun Lear Kurti.
Një protestuese, ka humbur papritur ndjenjat, teksa mbante fjalën e saj, siç shihet edhe në video.
Pranë saj kanë shkuar shumë protestues të tjerë të cilët i kanë dhënë ndihmën e parë mjekësore ndërsa raportohet se ajo është rikuperuar për t’u larguar më pas.
Kujtojmë se Lear Kurti u arrestua në lagjen Don Bosko të kryeqytetit mbrëmjen e të mërkurës dhe shfaqi probleme shëndetësore gjatë shoqërimit në komisariat. Ai u transportua drejt spitali të Traumës, por mbërriti i vdekur aty.
Sipas ekspertizës mjeko-ligjore rezulton se i riu ka gëlltitur disa qese me lëndë narkotike gjatë kohës që po ndiqej nga efektivët duke ndërruar jetë nga mbidoza.
