I morën jetën me kaçavidë 34-vjeçarit/ Arrestohen dy autorët, janë vëllezër

113 563 lexime

124,178FansaPëlqeje

Zbardhet ngjarja e ndodhur mëngjesin e datës 21 tetor 2022, në Fushë Krujë, ku u gjet i pajetë 34-vjeçari Indrit Ndoj. Policia ka dokumentuar me prova ligjore se 34-vjeçari është vrarë një kaçavidë. Për vrasjen e tij janë vënë në pranga dy vëllezër, të dyshuar si autorë të vrasjes.

Të arrestuarit janë Sajmir Miri, 39 vjeç dhe Landi Miri, 18 vjeç, banues në Fushë Krujë. Këta janë arrestuar sot, pasi në banesën e dy vëllezërve, prova që implikojnë dy vëllezërit në vrasjen e 34-vjeçarit. Dinamikën e plotë të gjithë ngjarjes do ta bëjnë me dije vetë vëllezërit gjatë rrëfimit në Polici, por deri më tani mendohet se janë konfliktuar fizikisht, për motive të dobëta e më pas janë larguar.

“Specialistët për Hetimin e Krimeve të Komisariatit të Policisë Krujë, në bashkëpunim me specialistët e Seksionit për Krimet ndaj Jetës dhe Pronës, në Drejtorinë Vendore të Policisë Durrës dhe Prokurorinë pranë Gjykatës së Rrethit Gjyqësor Krujë, si rezultat i hetimeve të thelluara, bënë të mundur zbardhjen e vrasjes së 34-vjeçarit, identifikimin dhe kapjen e dy vëllezërve, si autorë të dyshuar të vrasjes së tij, konkretisht shtetasit: S. M., 39 vjeç dhe L. M., 18 vjeç, banues në Fushë Krujë. Nga tërësia e veprimeve të thelluara hetimore, këqyrja e vendit të ngjarjes, këqyrja e trupit të viktimës, si dhe mekanizmi i ngjarjes, ka rezultuar se në trupin e viktimës ka një plagë në këmbën e djathtë, që është shkaktuar nga një mjet i fortë shpues / preres dhe për shkak të gjakderdhjes, 34-vjeçari ka humbur jetën. Grupi hetimor, gjatë veprimeve hetimore ka sekuestuar në vendngjarje dhe në banesën e dy vëllezërve, prova ligjore që implikojnë dy vëllezërit në vrasjen e 34-vjeçarit. Paraprakisht dyshohet se dy vëllezërit janë konfliktuar fizikisht, për motive të dobëta, me 34-vjeçarin, i cili ishte me masë sigurie “Arrest në shtëpi” dhe e kishte thyer masën duke dalë në rrugë. Në konflikt e sipër, ata e kanë goditur me një mjet të fortë shpues 34-vjeçarin dhe më pas janë larguar. Materialet proceduriale i kaluan Prokurorisë pranë Gjykatës së Rrethit Gjyqësor Krujë, për veprime të mëtejshme, për veprën penale “Vrasja”, e kryer në bashkëpunim,”- ka njoftuar Policia.

Të fundit

A mund të rritet mëlçia në nyjet limfatike? Sfida e re e një startup-i

Përdorimi i nyjeve limfatike të pacientëve të gjallë si bioreaktorë të vegjël, pra mjedise në të cilat rriten sa...

Skandal në ‘Për’puthen’/ Buçi-Erikës: Për kokë të çunave po të them, o vari*****

Buçi, konkurrent i formatit ‘Për’puthen’ është çmendur nga kërcimi që Erika i ka bërë Muratit në emision. Kjo pasi Buçi është shoqëruar disa herë me...

Irani gati të sulmojë Izraelin, tension i lartë në Lindjen e Mesme

Një goditje nga Irani ndaj Izraelit është një kërcënim “real dhe i besueshëm”. Deklarata vjen nga Shtëpia e Bardhë teksa frika për një sulm të afërt...

Lufta në Ukrainë/ 399 zona banimi pa energji elektrike pas sulmeve ruse

Në Ukrainë, 399 zona banimi mbetën pa energji elektrike pas sulmveve më të fundit ruse. Kjo u njoftua nga kompania shtetërore Ukrenergo, duke shpjeguar...

“Nuk mbaj mend të ketë qenë ndonjë kërcimtar…”, Iliri Shaqiri nuk kursehet për Albi Nakon

Koreografi Ilir Shaqiri ishte i ftuar sot në “Cherry on Top” me Bora Zemanin, pas një shkëputje të shkurtër nga ekrani. Mes të tjerash, Ilir...

Lajme të tjera

Web TV