Grida Duma, flet rrallëherë për jetën private, duke patur prioritet atë politike, të ngjeshur me aktivitete.
Mirëpo, deputetja sot ishte e ftuar në “S’e Luan Topi”, emisionin më të ri në “Top Channel”, ku foli për shumëçka, përetej politikës.
Duma tregoi për dashurinë e saj të parë, që e ka përjetuar në periudhën e gjimnazit.
“Ka qenë dashuri e shëndetshme… nëse asnjërit nuk i thyhet zemra, nuk është në jetë”, tha deputetja, ndërsa e pyetur nga moderatorja Erjona Rusi nëse i është thyer zemra apo ia ka thyer partnerit zemrën, Duma u përgjigj me humor “me siguri është kjo e dyta”.
Sakaq, ajo tha disa arsye pse mendon se burrat nuk i afrohen.
“Nuk e di, mendoj që i dukem e largët. Besoj se shumë gra që janë në pozicionin tim dhe që kanë një posturë të caktuar, sidomos kur merren me politikë dhe kanë këtë veshjen e të fortës… nuk di se ç’ndodh sepse nuk vjen deri tek unë. Vjen një kohë, vjen një moshë ku unë nuk pres t’ia dalë tjetri. Unë mund të zgjedh. Si çdo gjë tjetër në jetë kur ke një eksperiencë të caktuar. Nuk kam pasur kurrë ndonjë sjellje që pres të më thonë, pres të më vinë pas. Unë njerëzit që i pëlqej, i pëlqej! Jam shumë në kontroll të ngjarjeve të mia”, tha ajo.
