Lideri çeçen, Ramzan Kadyrov i bën thirrje Rusisë që të sulmojë më ashpër Ukrainën.
Ramzan Kadyrov, në një postim në kanalin e tij Telegram, shprehu pakënaqësinë e tij për “përgjigjet e dobëta” të ushtrisë ruse dhe bëri thirrje për shkatërrimin e qyteteve të Ukrainës.
“Ne po përgjigjemi… por po përgjigjemi kaq dobët për mendimin tim. Nëse një raketë bie në anën tonë, në zonën tonë, qytetet ukrainase duhet të fshihen nga faqja e dheut, që të shihet horizonti i largët, që të kuptojnë se nuk duhet as të mendojnë të gjuajnë kundër nesh. Ne nuk kemi nevojë të shikojmë se çfarë do të ndodhë nesër nëse marrim disa vendime”, tha Kadyrov.
Udhëheqësi çeçen gjithashtu ka deklaruar disa herë se lufta në Ukrainë duhet të quhet “luftë” dhe jo “operacion special ushtarak”.
