Fjala.al publikon për herë të parë një foto të rrallë të ish-diktatorit Enver Hoxha me një zborist.
“Zbor”, është një fjalë kaq e zakonshme për ata që kanë patur ‘fatin’ të jetojnë në kohën e sundimit të diktatorit Enver Hoxha për gati 40 vjet dhe togfjalëshi “Zbor pa bukë, lakuriq e në dëborë”, është ai që përshkruan më mirë.
Zbori ishte stërvitje ushtarake e popullsisë civile. Çdo mashkull në moshë madhore deri në moshën 50 vjeç ishte i detyruar të bënte tre javë zbor.
Edhe femrat ishin të detyruara të bënin një javë zbor në vit, por deri në moshën 35 vjeç.
Vështirë është të gjendet ndonjë arkiv familiar të mos ketë një fotografi me veshje ushtarake.
