Kanë kaluar 9 nga aksidenti tragjik që i mori jetën politikanit të njohur të Partisë Demokratrike, Sokol Olldashi, megjithatë miqtë, të afërmit dhe jo vetëm, e kujtojnë gjithmonë.
Nëna e tij, Kozeta Mamaqi përkujton sot të birin përmes një mesazhi të ndjerë të shpërndarë në rrjetin social “Facebook”. Ajo ka shpërndarë një poezi të Olldashit, ndërsa shkruan “shpirti im gjithçka e parandjeve sepse e njohje jetën deri gjer në kaplilare”.
“Shpirti im , gjithshka e parandjeve, sepse e njihje jeten gjer ne kapilare. E njohe te miren dhe te keqen qe kur ishe filiz dhe ndjeve e provove aqe shume dhimbje … Ike per te me lene mua me shpirt te vrare e mall pafund per ty, i miri im…Sa mall shpirt…Ike per te mos u kthyer, ndersa une pres, pres , pres…Te dua shume…!” shkruan nëna e ish-deputetit Ollashi.
Sokol Olldashi u nda nga jeta në një aksident tragjik, teksa udhëtonte nga Elbasani drejt Tiranës mbrëmjen e 20 nëntorit 2013.
