Që kur Rusia pushtoi Ukrainën, duket se veshjet ushtarake kanë patur një ‘hov’, sa i përket trendeve në botën e modës.
E gjitha kjo, e frymëzuar nga Presidenti i Ukrainës, Volodymyr Zelensky, i cili është parë gjithmonë me veshje ushtarake që nga fillimi i pushtimit rus në vendin e tij.
Pas tij, edhe politikanët shqiptarë kanë filluar ta përditësojnë këtë stil.
Më i fundit që është shfaqur paraditen e sotme me një veshje kamuflazh është kryeministri Edi Rama, i cili gjatë inspektimeve në kantierin e rrugës së re Korçë-Ersekë, kishte veshur pikërisht një xhaketë të tillë të markës ‘Polo’.
Ndërkohë, gjatë fundjavës, deputetja Monika Kryemadhi është shfaqur në rrugët e kryeqytetit me një bluze kamuflazhi dhe me një palë pantallona sportive ngjyrë ushtarake.
Nuk dihet nëse të dy personazhet politikë këto zgjedhje i bëjnë në bazë të gustove të tyre personale, apo kanë një kurator imazhi me të cilën konsultohen për veshjet e tyre.
