Asllan Dogjani, ish-deputeti i Partisë Demokratike, ka shpallur kandidaturën në Primarët që do të zhvillojë Sali Berisha për kandidat për kryetar në bashkinë Kamëz. Një një fjalim nga selia e PD-së, Dogjani prezantoi kandidaturën dhe planin e tij për të bërë Kamzën dhe Paskuqanin vend ku qytetarët të jetojnë me dinjitet.
Dogjani, është shprehur i bindur se do të fitojë në këtë bashki.
Në një intervistë për Euronews Albania, Dogjani theksoi se në Kamëz nuk shikon asnjë rrezik ndërsa tha se është i gatshëm të dalë i vetëm përballë 10 socialistëve.
“Unë nuk kam asnjë merak përsa i përket kësaj gare. Jam shumë i kënaqur që janë bërë primaret në PD. Kam bindjen e plotë se do të ketë transparentë. Kam një mbështetje të jashtëzakonshme të PD-së. U kam siguruar që do të bëjë çmos që qytetarët e Kamzës të kenë hapësira. Në Kamëz nuk kemi asnjë lloj problemi. PD është e bashkuar. Në Kamëz nuk shikojë asnjë rrezik, do bëjmë primaret dhe do të fitojmë thellë. Të dalin 10 socialistë përballë meje, e kam të fituar Bashkinë e Kamzës, sepse besoj shumë te ata njerëz që asnjëherë nuk janë përulur përballë dhunës së shtetit.”- tha ai.
