Seanca plenare e sotme është shoqëruar sërish me debate.
Pas deklaratave të forta e fjalorit aspak etik të kryeministrit ndaj opozitës, në akuza ka shpërthyer edhe Ministrja e Turizmit, Mirela Kumbaro.
Nga foltorja e parlamentit ajo foli ashpër ndaj opozitarëve, që kanë akuzuar qeverinë për keqmenaxhimin e turizmit.
Kumbaro u tha deputetëve të opozitës se kanë një dëshirë perverse për të nxjerrë keq Shqipërinë e për të folur fjalë negative për turizmin në vend.
“Si mund të kemi politikane që fërkojnë barkun duke folur me fjalë të zeza për Shqipërisë. Si ka mundësi që të keni një dëshirë perverse për të nxirë turizmin. Shqiptarët ju kanë ndëshkuar me 3 mandate në opozitë”, u shpreh Kumbaro.
