Një operacion antidrogë është duke u zhvilluar këtë të enjte në Berat. ABC mëson se policia ka zbuluar një serë me bimë kanabisi.
Mediat bëjnë me dije se janë shoqëruar dhe ndaluar nga policia rreth 100 persona, disa të tjerë janë shpallur në kërkim, ndërsa te tjerë janë shoqëruar.
Për shkak të numrit të lartë të të ndaluarve, policia ka përdorur një autobus për transportimin e tyre drejt drejtorisë së Beratit. Ndërkohë, po punohet për identifikimin e pronarëve të fermës së kanabisit.
