Mediat kanë publikuar foton e Orges Xhelilit, autorit të plagosjes së kryebashkiakut të Divjakës, Fredi Kokoneshi dhe shoferit të tij.
Autori ndodhet në komisariat, pas ngjarjes së rëndë të ndodhur afër bashkisë së Divjakës.
Mësohet se Orges Xhelili më herët ka punuar si punonjës IT pranë bashkisë së Divjakës, raporton TCH.
Sipas informacioneve, dyshohet se shkak i plagosjes ishte largimi I partneres së Xhelilit nga posti si kryenfermiere në poliklinikën e Divjakës.
Ende nuk janë bërë plotësisht të qarta arsyet e konfliktit mes tyre, ndërsa grupi hetimor pritet të zbardhë rrethanat e ngjarjes.
