Seanca e sotme plenare ka nisur me debate, akuza e kundër akuza për portin e Durrësit dhe buxhetin.
Opozita ka kërkuar t’i jepet fjala pasi nuk është lejuar t’i përgjigjet kreut të grupit të PS-së Taulant Balla.
Në shenjë proteste deputetët e opozitës kanë rrethuar foltoren, ndërkohë që Berisha është futur livë në Facebook.
“Blerina, moj Blerina. Nuk kam nevojë për minutat e askujt, kam nevojë për rregulloren, sepse ky frikacak ka frikë nga fjala dhe kërkon të na heqë të drejtën e fjalës. I duket helm e shigjeta fjala. Kjo nuk pranohet më kurrë, ose zbatoni rregulloren, ose ne do të rrimë këtu non-stop 24 orë”, tha ai.
Nga ana tjetër kreu i Grupit Parlamentar, Tualant Balla ka kërkuar që të merret masë disiplinore.
“Konferenca e kryetarëve e vendos kohën e debatit, Aty është përcaktuar 6 orë debat. Tani ju kërkoj që të procedojmë me pikën e parë me rendin e ditës për interpelancë. Këtyre që ju ka ngelur mendja te foltorja, tani zonja kryetare merrni masa për deputetët që marrin peng foltoren, merrni masë disiplinore.”- tha Balla.
Pasin mori paralajmërin për përjashtim, Berisha ka liruar Foltoren e Kuvendit dhe ka vijuar me akuza ndaj Taulant Ballës, ku tha se ka porositur vrasjen e avokatit Ravik Gurra.
“Ke kryer porositje vrasjesh dhe ke fshirë regjistrimet. Bashkë me ty në parlament është hija e të ndjerit Ravik Gurra që të ka kapur në lidhje me bandat dhe e eliminove. Kjo është tronditëse. S’ka vend në botë që nuk e dënon këtë”, tha Berisha.
Nga ana tjetër, debatet për minutazhin e fjalës kanë vijuar edhe mes Petrit Vasilit dhe Taulant Ballës.
Vasili: Mos i gënjeni qytetarët. Neni 28 nuk thotë ashtu.
Balla: Lexoje, lexoje mirë.
Vasili: O skizofren, dëgjo… 48 pika 3: Kur ka dakordësi të të gjithë grupeve parlamentare bie dakord për kohën. Kjo do të thotë vendosje e njëanshme e kohës. 48 pika 3 jep gjithmonë kur ka dakordësi.
