Një avion MiG-21 i Forcave Ajrore Kroate u rrëzua në një zonë pyjore pranë qytetit të Sllatinës (në jug), por dy pilotët arritën të largoheshin nga avioni në kohë, njoftoi Ministria Kroate e Mbrojtjes.
Aksidenti ka ndodhur rreth orës 14:00 me orën lokale, gjatë një fluturimi stërvitor. Më shumë se 50 shpëtimtarë morën pjesë në operacionin për gjetjen e pilotëve të MiG-21. Njëri prej tyre është gjetur i plagosur, por jashtë rrezikut për jetën.
Kryeministri kroat Andrej Plenkoviç tha se rrëzimi i avionit luftarak ishte ndoshta për shkak të një dështimi mekanik.
Sot ishte përplasja e tretë e avionëve ushtarakë në Kroaci që nga viti 2020, kur katër pilotë humbën jetën në dy përplasje të veçanta.
