Prokuroria e Tiranës kërkon masën arrest në burg për Gerti Shehun, që goditi me grusht kryetarin e PD, Sali Berisha, gjatë kohës kur ish-kryeministri po shkonte tek protesta në “Bulevardin Dëshmorët e Kombit”.
Dosja e 31-vjecarit ka mbërritur në dyert e Gjykatës së Tiranës dhe të premten pritet që të zhvillohet seanca për caktimin e masës së sigurimit personal ndaj tij. Aktualisht Gerti Shehu ndodhet në spitalin e Traumës ku po mjekohet pas goditjeve që mori nga mbështetësit e Berishës pasi ai kreun aktin e dhunshëm.
Nëse mjeket nuk japin lejë të largohet nga spitali atëherë masa e sigurisë do t’i komunikohet në ambientet e spitalit. Gerti Shehu akuzohet për veprën penale goditje për shkak të detyrës dhe plagosje me dashje.
Deri më tani ai nuk ka pranuar të flasë për arsyet që e shtyn drejt këtij veprimi. Pritet që Gerti Shehu t’i nënshtrohet një ekspertize mjekësore për shkak se familjaret e tij pretendojnë se ai vuan nga probleme të shëndetit mendor.
Prokuroria është në pritje të mbërritjes së analizave nga Instituti i Mjekësisë Ligjore për lëndë narkotike nuk janë administruar akoma nga hetuesit për rastin e 31-vjeçarit Gert Shehu. Grupi hetimore ka sekuestruar me dhjetëra orë pamje filmike të lëvizjeve të 31-vjeçarit ditët e fundit për të zbuluar se më kë është takuar. Gert Shehu rezulton që të jetë person me precedent të mëparshëm penal sipas policisë.
