Sot nisin çerekfinalet e Kupës së Botës, me dy përballje mjaft të forta në të cilat surprizat nuk do të mungojnë. Kroacia përballet me Brazilin favorit në orën 16:00, kurse ndeshja kryesore e ditës do të jetë ajo e orës 20:00 mes Holandës dhe Argjentinës.
Ndjekim disa nga titujt kryesorë të mediave sportive për ditën e sotme:
Faqja e pare e La Gazzetta dello Sport i kushtohet intervistës ekskluzive me Nicolò Barella, rreth rreth të ardhmes së tij me zikaltërit: “Po, në vitin 2026 ende e shoh veten në fushë si një Interist”. Për objektivin e Scudetto-s: “Qëllimi ynë mbetet i njëjtë: të përpiqemi të fitojmë Scudetton”.
Hapja e Corriere dello Sport në vend të kësaj i kushtohet “Lojës së yjeve” botërore . Në Katar , për në çerekfinale, sot në fushë Brazili i Neymarit , përballë nënkampioneve të botës të Kroacisë dhe Argjentinës së Messit , që sfidon Holandën.
Në Tuttosport, si zakonisht fokusi është te Juventusi: ”Hetimi i Juves i bën jehonë fakteve”. Nga përditësimet e fundit mbi hetimin nga Prokuroria Publike e Torinos deri tek rikthimi i ekipit të Allegrit në fushë.
Prestigjiozja franceze L’Equipe hapet me Argjentinën dhe Brazilin: “Duke menduar vetëm për një ide”. Në pritje të kombëtares së Deschamps, gazeta franceze prezanton dy çerekfinalet Kroaci-Brazil dhe Holandë Argjentinë. Në fushë dy yjet e Paris Saint-Germain, Neymar dhe Messi.
Në Spanjë, Mundo Deportivo ia kushton faqen e parë kthesës në stolin e kombëtares: “Lehtësim”. Luis Enrique thotë lamtumirë pas eliminimit me Marokun, de la Fuente është trajneri i ri në vend të tij.
