Shota Baraliu është një ndër personazhet më të komentuar brenda shtëpisë së BBV Kosova. Së fundmi, ajo ka bërë një rrëfim mjaft prekës teksa ka qenë duke bërë një bisedë me Lugatin (Gjon Karrica), Getinjon dhe Vivien. Aktorja ka folur për momentin kur ka humbur babanë e saj.
Ajo zbuloi se ai ka patur diabet si dhe e merr shpesh malli për të.
Gjithashtu, Shota ka zbuluar edhe momentin kur ka marrë vesh lajmin e trishtë për të dhe familjen e saj.
“Kam qenë në hotel duke pushuar. Vëllai më telefonoi dhe më tha direkt që ka vdekur babai. Fillova të qaj e të bërtas saqë e ngrita gjithë hotelin në këmbë”, theksoi ndër të tjera Shota e përlotur.
