Kreu i Partisë së Lirisë, Ilir Meta, ka reaguar pas shembjes së pallatit në “Myslym Keta” në Tiranë.
Nëpërmjet një postimi në rrjete socilae ai u shpreh se shembja e këtij pallati është agresion i përsëritur ndaj qytetarëve.
Ndër të tjera ai shtoi se tashmë banorët e këtij pallati janë hedhur në rrugë të madhe në mënyrë që qeveria të vijojë vjedhjet.
“Shembja e pallatit në Rr. ‘Myslym Keta’ është agresion i përsëritur në paligjshmëri të plotë dhe i egër ndaj qytetarëve të thjeshtë ashtu si te Teatri Kombëtar, Astiri, Bregu i Lumit dhe 5 Maji.
Natën dhe me dhunën e Policisë së ‘Rilindjes’ qytetarëve ju rrëmbehet dhe ju shkatërrohet prona që të majmen klientët e ‘Rilindjes’
Fëmijë, të moshuar, burra dhe gra janë hedhur në rrugë të madhe, që të vazhdojë grabitja dhe plaçkitja e bandës së Erion Veliaj dhe oligarkëve përqark tij.
14 maji është dita e madhe kur qytetarët e Tiranes do t’iu japin ndëshkimin më të rreptë këtyre agresorëve dhe hajdutëve të shfrenuar”, shkroi ai.
