Aktori i mirënjohur Mirush Kabashi ka interpretuar mbrëmjen e djeshme poezinë ‘Demokracia’, ku dhe ka elektrizuar publikun në Festivalin e Këngës.
Pas përfundimit të interpretimit, aktori zhvilloi dhe një intervistë të shkurtër me moderatoren Arbana Osmanin e cila e pyeti për sëmundjen e rëndë që ai kaloi.
Sakaq nuk la pa komentuar dhe lajmet e rrema lidhur me ndarjen nga jeta, ku u shpreh kështu:
“Pata kënaqësinë të provoj çfarë kam lënë pas”.
Biseda e plotë:
Arbana: Para dy vitesh keni kaluar një situatë kritike?
Kabashi: Doja ta mbaja sekrete por tani nuk ka njeri që nuk e di
Arbana: Çfarë përjeton njeriu kur mendon se mund ta lërë këtë botë por fatmirësisht rikthehet?
Kabashi: Ne drejt asaj rruge jemi por duam të jetojmë. Përjetojmë një detyrim atyre që na ndihmuan ta kalojmë këtë, konkretisht ndaj artdashësve. Fjalët e tyre inkurajuese dhe shqetësimi ka qenë medikamenti më i saktë për të kaluar situatën.
Arbana: Ka pasur dhe një moment koment kjo situatë, ku thanë që ju kishit ndërruar jetë
Kabashi: Nuk e di nëse u bë qëllimisht, por unë kam pasur kënaqësinë të kuptoj se çfarë kam lënë pas. Pasi ajo që kam lënë pas është pasuria më e madhe për familjen dhe fëmijët e mi, është emri i mirë
Tashmë që aktori ka rimarrë vetën, arriti dhe të jepte interpretimin e veçantë në skenë.
Vendi ynë ka fatin që ta rishohë sërish në skenë duke interpretuar, pasi është një nga aktorët më të spikatur të ekraneve tona.
