Tre shtetas shqiptarë janë dënuar nga autoritetet italiane, pasi akuzohen se shfrytëzonin 20 vajza për prostitucion. Sipas asaj që shkruajnë mediet italiane, këta persona kishin krijuar një organizatë së bashku me një shtetase rumune.
Bëhet fjalë për dy vëllezërit Eduart dhe Edmond Gjini, i konsideruar edhe si drejtues i bandës dhe vëllai i tij që do të vuajnë dënimin prej 4 vitesh burg. Ndërkohë që kushëriri i tyre Petrit Gjini është dënuar me 5 vite e katër muaj, së bashku me një rumune të identifikuar, si Giorgianna Caprau.
Dy vëllezërtit Gjini kanë qenë të arrestuar edhe në vitin 2015 për të njëjtën vepër penale. “Të përfshirë në aktivitetin kriminal ishte edhe një shtetase rumune, Dragan Simona Mirabela, e dashura e një vëllait tjetër të familjes Gjini, Anton, dhe dy italianë, Riccardo Ruggitello dhe Daniele Mastrella”, raportojnë mediet në Itali.
