Perandoria e biznesit të ish-presidentit të SHBA, Donald Trump është dënuar nga gjykata e Nju Jorkut ditën e sotme me një gjobë prej 1.6 mln dollarë, për një skemë mashtrimi fiskal para 10 vjetësh.
Kjo gjobë më tepër është simbolike sesa monetare, pasi shuma është lehtësisht e shlyeshme për “Organizatën Trump”.
Dy kompani të tjera janë gjobitur muajin e kaluar me 17 akuza, për mashtrim tatimor dhe falsifikim i të dhënave të biznesit, për Trump Corp dhe Trump Payroll Corp.
Vetë Trump nuk ishte në gjyq dhe mohoi se kishte njohuri se drejtuesit e tij i shmangeshin taksave në mënyrë të paligjshme.
Përveç gjobës së marrë nga kompania, ish-shefi financiar i Organizatës Trump, Allen Weisselberg, është dënuar me 5 muaj burg për shmangie të taksave për një kompensim prej 1.7 milionë dollarësh.
