Trupi i një gruaje është gjetur i mbytur në lumin Shkumbin. Viktima është shtetasja me inicialet S. D., 50 vjeçe, banuese në lagjen “Emin Matraxhiu”, Elbasan, bëri me dije policia.
Nga informacionet e para policia dyshon se ajo ka humbur mbrëmjen e djeshme.
Mësohet se gruaja kishte dalë për të hedhur mbeturinat dhe nuk ishte kthyer më në banesë.
Për këtë shtetase ka bërë kallëzim në Polici, vëllai i saj, i cili ka deklaruar se shtetasja S. D. është larguar nga banesa.
Njoftimi i policisë:
Elbasan/Informacion paraprak
Më datë 18.01.2023, në fshatin Mjekës, në rrjedhën e lumit Shkumbin, është gjetur dyshohet e mbytur, shtetasja S. D., 50 vjeçe, banuese në lagjen “Emin Matraxhiu”, Elbasan.
Për këtë shtetase ka bërë kallëzim në Polici, vëllai i saj, i cili ka deklaruar se shtetasja S. D. është larguar nga banesa. Gjithashtu, sipas deklarimit të këtij shtetasi, 50-vjeçarja vuante nga Epilepsia.
Grupi hetimor po punon për sqarimin e plotë të rrethanave të ngjarjes.
