Kryeministri Edi Rama ka shpërndarë foto nga vila Eden në Korçë, për të cilën thotë se është kthyer në një nga destinacionet më të lakmuara për turistët vendas dhe të huaj.
Vila ndodhet brenda qendrës historike të Korçës, duke ofruar një pamje mahnitëse të qytetit.
“E bukur, elegante e plot stil, si vetë emri që mban, vila ‘’Eden’’ në Korçë është kthyer në një nga destinacionet më të lakmuara për turistët vendas dhe të huaj. E ndodhur brenda qendrës historike të Korçës, pozicionuar rrëzë kodrës, ajo ofron një pamje mahnitëse të vetë qytetit.
Mikpritja korçare bashkë edhe me kuzhinën tipike të zonës e plotësojnë më së miri ofertën turistike që ofron kjo vilë për çdo vizitor që zgjedh të kalojë aty një fundjavë apo më tepër se kaq”, shkruan Rama.
