Një 23-vjeçar shqiptar është arrestuar nga policia në Itali pasi akuzohet për grabitje me dhunë. Mediat italiane raportojnë se policia ka rënë në gjurmët e shqiptarit në zonën e Pare.
Si rezultat i hetimeve të gjera, të drejtuara nga prokuroria e Venecias, ndaj shqiptarit rëndojnë disa akuza të rënda, mes të cilave për grabitje me dhunë kundër pronave.
Faktet datojnë që në korrikun e kaluar, kur tre të rinj natën vonë në dy episode të veçanta rrethuan dhe sulmuan disa fëmijë në pushime (të ndjekur dhe vënë në shënjestër ndërsa dilnin nga disko), duke marrë në dorë kuletat, celularët e gjeneratës së fundit dhe disa qindra euro.
Viktimat, të dyja të lindura në vitin 2002, u hodhën përtokë nga tufa dhe u goditën me dhunë ekstreme, duke përfshirë goditje në kokë, dhe më pas u imobilizuan për të kontrolluar xhepat e tyre.
I arrestuari, me banim në zonën e Trevisos, por në fakt i pagjurmueshëm dhe pa vendbanim fiks, është vendosur në një ambient mikpritjeje në zonën e Conegliano dhe është dërguar në burgun e Trevisos, ku ndodhet në dispozicion të autoriteteve gjyqësore.
