Komisionerja Evropiane për Çështjet e Brendshme Ylva Johansson ka theksuar se nuk ka fonde për krijimin e gardheve që do të ndalonin kalimin e emigrantëve të paligjshëm drejt vendeve të BE-së.
Johansson u tërhoq kundër presioneve nga vendet anëtare si Austria për të përdorur fondet e BE-së për të ndërtuar infrastrukturën e kontrollit kufitar. Për sa i përket gardhit, komisioneri Johansson përsëriti qëndrimin e Presidentes së Komisionit Ursula von der Leyen: Nuk ka para në buxhetin e BE-së për këtë. Pra, nëse shpenzojmë para për mure dhe gardhe, nuk do të ketë para për gjëra të tjera.
Sipas komisioneres suedezde shumë aplikantë nuk kanë nevojë për mbrojtje ndërkombëtare.
“Kjo është arsyeja pse unë e mirëpres shumë që presidenca suedeze do të fokusohet në kthimet. Dhe ne nuk kemi nevojë të presim legjislacionin mbi paktin për ta bërë këtë,” tha ajo.
“Ne duhet të veprojmë si një ekip i Evropës” për të ushtruar presion mbi vendet e treta dhe për të dixhitalizuar më mirë procedurat e kthimit, tha ajo, duke i bërë jehonë rekomandimeve në një projekt-plan të fundit të Komisionit.
Takimi i sotëm pritet të trajtojë masat që do të siguronin që çdo anëtar i BE-së t’i sigurojë rregullisht Frontex-it të dhënat përkatëse për kthimet deri në fund të çdo viti, me objektivin e krijimit të një procesi të dixhitalizuar në të gjitha shtetet anëtare sa më shpejt të jetë e mundur. Në fillim të kësaj jave, Komisioni Evropian prezantoi planin e tij për të rritur kthimin e emigrantëve në vendet jashtë Bashkimit Evropian, shkruan politico.
Shërbimet e migracionit të vendeve të BE-së kërkuan largimin e 342,100 personave në vitin 2021, viti më i fundit me të dhëna të plota në dispozicion. Vetëm 24 për qind e tyre u kthyen në një vend jashtë bllokut në vitin 2021, sipas Eurostat.
