Deputeti demokrat Gazment Bardhi, ka humbur kontrollin në Kuvend, nga mosprezenca e kryeministrit Edi Rama.
Pasi u kap fillimisht me Elisa Spiropalin, ka vijuar me kryeparlamentaren Lindita Nikolla.
Me tone të forta, ai i ka kërkuar Lindita Nikollës të mos sillet si “kukull e Ramës” por ta thërrasë atë të vijë në seancë dhe të japë llogari.
“Mos u sill si kukull e Edi Ramës, silluni si kryetare e Parlamentit. Thirr Kryeministrin në seancë. Më lër të mbaroj. Si avokate ta marrë Elisën, nuk ndërhyj. Por si kryeministër të vijë këtu dhe të japë llogari. Nuk pranoj të bëj interpelancë me hijen e kryeministrit. Se di që ajo të ketë qenë në këto takime, por ka qenë Kryeministri dhe Duçka dhe Neza. Nëse i ka folur Rama në vesh dhe Elisa të vijë të bëjë këtu si altoparlant”, tha Bardhi.
