“5 shokë më vdiqën nga tërmeti”, rrënqeth Sezer: Kam familjen në atë qytet

113 563 lexime

124,178FansaPëlqeje

Tërmeti shkatërrues në Turqi është lajmi i ditës që ka kthyer vëmendjen e të gjithëve drejt saj dhe Sirisë veri-perëndimore.

Ekipet e shpëtimit janë në garë me kohën, ndërsa numërohen më shumë se 1500 të  vdekur në Turqi dhe mbi 800 në Siri.

“Rudina” në Tv Klan i drejtohet në pjesën e parë të programit kësaj fatkeqësie dhe ndodhet në një lidhje Skype me tre të ftuar.

Midis tyre, parukieri i njohur turk i cili jeton në Shqipëri, Sezer, tregon se familja e tij është në Dijarbakër, qytetin e prekur nga tërmeti.

Ai rrëfen përjetimin dhe shqetësimin, ndërsa ndan edhe lajmin e hidhur se ka humbur 5 shokë mëngjesin e sotëm.

Sezer: Është vendlindja ime aty. Dijarbakër quhet. Aty ka ndodhur dhe krejt familjen aty e kam, aty jetojnë.  Që prej mëngjesit e deri tani jam në telefon duke folur me familjen, me tezen, me dajën me nënën, me të gjithë atje, kam edhe shoqërinë, krejt kushërirat. Aty ka ndodhur te vendlindja ime dhe krejt kushërirat, mamin, babin të gjithë aty i kam. Për momentin, që në mëngjes që kam folur unë me familjen akoma vazhdon tërmeti dhe nuk ndalon asnjë moment. Tronditjet vazhdojnë akoma më shumë. Deri tani kanë ndodhur mbi 1500 vdekje.

Rudina Magjistari: Familja jote ndërkohë ka raportuar dëme?

Sezer: Kanë qenë në qytet por në kohën që është bërë kanë ikur në fshat dhe Dijarbakër tani është bosh sepse krejt kanë ikur në fshatra, aty rrinë ku janë më të sigurt se kanë shtëpi private. Si atëherë kur ndodhi në Shqipëri që nga Tirana ikëm në jug, aty është njësoj tani, sa më larg nga qyteti. Doja që të tregoj një histori tjetër. Shokët e mi ishin 5 vetë dhe kanë qenë në makinë. Në orën që ndodhi tërmeti, në 8 të mëngjesit kanë qenë në makinë 5 veta. Kanë ikur në shtëpi dhe kanë thënë që të ndalojë tërmeti e pastaj shkojmë në shtëpi. Duke pritur në makinë, pallati prishet dhe bie mbi makinë dhe 5 veta nga shoqëria jonë kanë vdekur.

Sezer shton se familja e tij do qëndrojë të paktën një muaj në fshat derisa situata të qetësohet.

Të fundit

U nda sot nga jeta, intervista me “Zonjën e Tironës” 3 vite më parë, ja historia e saj

Është ndarë sot nga jeta në moshën 102-vjeçare bashkëshortja e legjendës së futbollit shqiptar Selman Stërmasi, Nezihat Stërmasi. Fjala.al pati...

E papritur nga produksioni/ Olta dëshiron të lërë shtëpinë e BBV, çfarë pritet të ndodhë

Banorët e Big Brother VIP pritet të japin sot vendimin përfundimtar për shtyrjen e spektaklit, ku do të konfirmojnë ose jo qëndrimin e tyre...

Manchester City “shkrin” Liverpoolin në Etihad dhe vijon ndjekjen ndaj Arsenalit

Manchester City përmbys dhe bën “poker” ndaj Liverpool, duke ndezur festën në “Etihad Stadium”. Ishte ekipi i Jurgen Klopp ai i cili gjeti rrugën drejt...

“Dikur u cilësua ‘George Washington’ i Kosovës”/ Rama akuza Hagës për gjyqin ndaj Thaçit

Kryeministri Edi Rama i ka dalë sërish në mbrojtje ish Presidentit të Kosovës Hashim Thaçi, i cili del të hënën në gjyq për akuzat...

Tragjike/ Ish-mjeku vret gruan dhe dy fëmijët, më pas i jep fund dhe jetës së tij

Një ngjarje e rëndë ka ndodhur në Itali, ku një ish-mjek italian ka vrarë gruan, dy fëmijët dhe më pas ka kryer vetëvrasje. Ngjarja ndodhi...

Lajme të tjera

Web TV