Partia Socialiste ka bërë kërkesë për “mos publikimin e të dhënave personale të siguruara nga ndërhyrja e kundraligjshme nëaplikacionin “Aktiv1st” pronë e Partisë Socialiste të Shqipërisë”.
“Partia Socialiste e Shqipërisë kërkon nga mediat audiovizive, mediat elektronike dhe të gjitha platformat e portalet online që të refuzojnë në çdo rast publikimin e të dhënave të pjesshme apo të plota qofshin ato, që pretendohet se janë siguruar nga ndërhyrja e kundraligjshme në paltformën elektronike “Aktiv1st”, pronë e P.S.SH si dhe të fshijnë cdo informacion nga përmbajtja e faqeve të tyre të internetit të publikuar deri tani.”, thuhet në kërkesën e PS.
Sipas tyre “Partia Socialiste e Shqipërisë do të ndjekë këtë rast dhe do të procedojë sipas ligjit për hetime të mëtejshme në Prokurorinë pranë Gjykatës së Rrethit Gjyqësor Tiranë, për çdo media e cila do të vazhdojë të kryejë publikimet e këtyre të dhënave në shkelje të ligjit edhe pas kësaj kërkese publike.”
