Rama viziton Muzeun e Paqes në Hiroshima: Historia këtu është unike

113 563 lexime

124,178FansaPëlqeje

Kryeministri Rama vizitoi ditën e sotme Muzeun Përkujtimor të Paqes në Hiroshima ku pa nga afër dëshmi të një pjese të errët të historisë së Japonisë, ku në mbyllje të vizitës në muze nënshkroi librin e të ftuarve të nderit. Ai u ndal gjithashtu të fliste për të pranishmit, duke e cilësuar këtë vizitë si një përvojë të veçantë humanizmi për gjithë njerëzimin.

“Është padyshim një përvojë e mahnitshme vizita në vendin tuaj dhe të njohësh nga afër njerëzit tuaj të mrekullueshëm.

Në Japoni, kjo është pika kulmore e vizitës tonë. Është tejet e rëndësishme sepse është një përvojë e veçantë humanizmi dhe për krejt njerëzimin. Unë dëshiroj shumë që kjo përvojë të na shërbejë të gjithëve si një mësim për të gjithë e përgjithmonë. As nuk mund të imagjinohet të luhet me armët bërthamore, ashtu siç luhet me lodrat e fëmijëve. Nuk duhet njeri të guxojë as të çojë në mend të kërcënojë qytetërimin tonë me bomba bërthamore.

Unë jam i nderuar që vizitoj këtë vend që ka vuajtur dhe ka një histori unike. Për mua personalisht, do të jetë diçka që do ta kujtoj dhe do të shërbejë si një mësim për të gjithë e përgjithmonë. Faleminderit Hiroshima dhe Zoti e bekoftë popullin e mrekullueshëm japonez.

Unë nuk mund të falënderoj mjaftueshëm, të gjithë ata që e bënë të mundur këtë vizitë, unë do të dëshiroja që të gjithë njerëzit e kësaj bote të mund të vinin e ta vizitonin këtë vend sepse është diçka që nuk mund të përshkruhet me fjalë dhe me siguri vlen më shumë se një mijë faqe lexime historie.

Kishte shumë njerëz që menduan se pushtimi i Ukrainës do të bëhej brenda një jave, por ja ku jemi, pas një viti rezistence heroike të popullit të Ukrainës. Falë dhe mbështetjes së botës demokratike, jo vetëm që Ukraina nuk u pushtua, por është bërë e qartë se Rusia nuk mund ta fitojë këtë luftë.

Lexo edhe :  ‘Fshesa Rama’ në Elbasan/ Emërohen administratorët e rinj në 17 njësitë e bashkisë

Ju jam mirënjohës që keni ardhur këtu të më bëni pyetje. Dua të shtoj vetëm një gjë. Po shikoj se po ndërtohet një stadium dhe që tani e tutje do të jem tifoz i çdo ekipi të Hiroshimës, në çdo lloj sporti.

Ju uroj gjithë të mirat dhe të jeni kampion në çdo disiplinë sportive”, – u shpreh Kryeministri Rama.

Të fundit

Iu sekuestruan 26 mln euro, si i “vodhi” emrin basketbollistit të njohur Olsi me 5 emra

Një hetim i Prokurorisë së Tiranës ka nxjerrë në dritë një skemë të mirëfilltë të pastrimit të parave. Në...

Reshje shiu në të gjithë vendin, parashikimi i motit për sot

Ditën e shtunë, vendi ynë do të ndikohet nga kushte atmosferike të paqëndrueshme falë depërtimit të masave ajrore të lagështa me origjinë jugperëndimore. Moti parashikohet me...

Zgjedhja e nënkryetarit serb mban ‘peng’ konstituimin e Kuvendit

Deputetët në Kosovë do të mblidhen sërish sot në orën 11:00 në tentativën e radhës për të konstituuar Kuvendin. Procesi i konstituimit ka ngecur te...

Reshje të forta shiu dhe stuhi tropikale, parashikimi i motit për sot

Vendi ynë do të përfshihet nga stuhi-tropikale duke bërë që vranësirat dhe shirat të jenë dominante. Herë pas here priten rrebeshe shoqëruar me stuhi...

“Bruti është burrë i nderçim”. Ironia therëse e Shekspirit në përkthimin e Nolit

Nga Leonard Veizi Fjalimi i Mark Antonit mbi trupin e Cezarit në tragjedinë “Jul Cezari” të Shekspirit është një nga kulmet më të njohura të...

Lajme të tjera

Web TV