Ka ndërruar jetë në moshën 61-vjeçare aktori i njohur Tom Sizemore. Ai njihet për rolet e tij në filmat si “Saving Private Ryan” dhe “Black Hawk Down”.
Aktori ka qenë në koma në një spital në Los Anxhelos, pasi u prek nga një sëmundje e trurit më 18 Shkurt. Disa ditë më vonë mjekët i kishin thënë familjes së aktorit se nuk kishte gjasa që ai të dilte nga koma.
Sizemore lindi në Detroit në vitin 1961 dhe fitoi famë me rolet e tij në filmat aksion në vitet 1990 dhe 2000. Roli i parë kryesor i tij ishte në filmin horror të vitit 1997 “The Relic”, ku luajti rolin e një detektivi policie. Ai u nominua për çmimin “Golden Globe” në vitin 2000, si aktori më i mirë për rolin e tij në filmin “Witness Protection.”
Përpos suksesit dhe famës në karrierë, jeta private e tij ishte e mbushur me një serë problemesh, ku për një kohë të gjatë ai krijoi varësi nga përdorimi i substancave narkotike, të cilat ishin shkak për futjen në burg dhe më pas në qëndrat e rehabilitimit. Ndërsa në vitin 2003 ai u dënua për dhunë në familje dhe kërcënime ndaj të dashurës së tij të atëhershme Heidi Fleiss, duke u dënuar me gjashtë muaj burg.
