Një automjet që dyshohet se i përket autorëve të atentatit në Don Bosko mbrëmjen e djeshme, është gjetur këtë të hënë e djegur në zonën e Manzës.
Burime për median bëjnë me dije brenda automjetit tip ‘BMW X5’ janë gjetur dy kallashnikov, që dyshohet se janë përdorur nga atentatorët për të qëlluar me breshëri drejt lokalit të Fation Muratit, ku humbi jetën banakierja dhe u plagosën 5 persona të tjerë.
Dyshimet janë se ‘objektiv’ i atentatit të jetë xhaxhai i Fatjon Muratit, një emër i njohur për botën e krimit, Seit Murati, i cili mbeti i plagosur.
Kujtojmë se në këtë atentat të plagosur mbetën edhe klientët e lokalit Astrit Meraj, Emanuel Sala, Ermir Bejuku, Genc Shohalli të cilët ishin duke parë ndeshje futbolli kur ndodhën ngjarja.
Si dhe e lënduar ka mbetur dhe një 10-vjeçare, e cila është mbesa e viktimës.
