Cilat vende kanë më shumë ditë pushimi të paguara, si renditet Shqipëria

113 563 lexime

124,178FansaPëlqeje

Pavarësisht nëse është festë kombëtare, festival fetar, ose thjesht një minimum i mandatuar për ditët e pushimeve me pagesë, çdo vend ka rregulla të ndryshme, që vendosin pragun bazë të pushimit me pagesë për punonjësit.

Resume.io analizoi ligjet për pushimet me pagesë dhe festat publike me pagesë, në çdo vend të botës dhe krijoi një paraqitje grafike, për të parë sasinë minimale të ditëve të pushimeve që punonjësit kanë të drejtë, të paktën në letër.

Shqipëria renditet ndër vendet mesatare sa së bashku me Danimarkën, Qipron, Egjiptin, Mauritius, Afrikën e Jugut dhe disa vende në Afrikë, me gjithsej 34 ditë pushimi. Këtu përfshihen festat zyrtare dhe ditët e pushimit të paguara që marrin punonjësit nga kompania. Shqipëria ka 14 ditë festa publike zyrtare dhe 20 ditë pushime për punonjësit, të paguara me ligj (këto të fundit janë ditët që përcaktohen me ligj si leje vjetore, ndërsa nuk ka të dhëna se sa zbatohen këto ditë, sidomos në subjektet private).

Ndërsa Kosova vjen pas saj, me 31 ditë pushimi të paguara gjithsej në vit.

Në krye të listës është Irani me gjithsej 53 ditë pushimesh, të ndara pothuajse në mënyrë të barabartë midis festave publike dhe pushimeve me pagesë.

Shqipëria, ndër vendet me më shumë festa zyrtare në Europë

Sipas hartës për festat publike, Shqipëria është ndër vendet që ka më shumë ditë zyrtare pushimi në Europë, me 14 ditë gjithsej. Rekordin e mbajnë Islanda (16) dhe Lituania e letonia me nga 15. Në rajon, Kosova dhe Serbia kanë nga 11 ditë festa zyrtare, Maqedonia e Veriut 12, Bosnjë Hercegovina 10 dhe Mali i Zi 8. Në Europë më pak festat zyrtare ka Greqia me vetëm 6 ditë në vit.

Vendet me numrin më të ulët të pushimeve të paguara

Lexo edhe :  Shtohen divorcet, sa kërkesa për zgjidhje martese kishte në vitin 2024

Të dhënat në studim përqendrohen në dy lloje pushimesh me pagesë: festat publike dhe ditët e pushimeve me pagesë. Kombinoni ato së bashku dhe keni shumën totale të pushimit të paguar.

Disa vende afrikane, Europiane dhe të Azisë Qendrore, duke përfshirë Togon (43), San Marinon (46) dhe Jemenin (45), kanë qenë jashtëzakonisht bujarë me ditët e pushimeve.

Ndërkohë, të tjera, duke përfshirë vendet oqeanike të Mikronezisë (9) dhe Nauru (10), renditen në fund të listës. Shtetet e Bashkuara janë të barabarta me Naurun në vendin e dytë të fundit, me punonjës me vetëm 10 ditë pushimi në vit.

Cilat vende kanë ditët më të paguara të pushimit?

Nëse punoni me kohë të plotë dhe i kushtoni 40 orë në javë vendit tuaj të punës, shumë vende besojnë se ju meritoni pushim.

Në shumicën e vendeve, ekzistojnë ligje për të siguruar leje ligjore për punonjësit. 22 vende kanë një politikë bujare pushimi 30-ditore, me 10 vende në kontinentin afrikan.

Megjithatë, shuma e pushimit të paguar në mbarë botën, shpesh varet nga qëndrimi i punonjësit. Dhe jo të gjitha vendet kanë të njëjtat minimume, pasi SHBA, Nauru, Mikronezia dhe Kiribati, kanë zero ditë pushimi me pagesë të mandatuar.

Është e rëndësishme të theksohet se kjo nuk do të thotë, që të gjithë punonjësit në këto vende kanë zero leje me pagesë. Kjo do të thotë se varet nga punëdhënësi, me disa kompani që përdorin leje bujare me pagesë për të joshur punonjës të aftë, ndërsa të tjerat nuk ofrojnë asnjë.

Shqipëria dhe Kosova renditen në vendet të cilat i rregullojnë dhe përcaktojnë ditët e pushimeve për punonjësit me ligj, me rreth 20 ditë pushimi të paguar vjetor, në të njëjtin nivel me vendet e Ballkanit, Belgjika, Bullgaria, Gjermania, Hungaria, Italia, Holanda, Zelanda e Re etj./monitor

 

Të fundit

“Këtu ka kushte dinjitoze”, Rama inspekton spitalin psikiatrik “Ali Mihali” në Vlorë

Kryeministri Edi Rama, së bashku me Ministren e Shëndetësisë dhe Mbrojtjes Sociale, Albana Koçiu, vizitoi sot hapësirat e reja...

Shfryn Berisha: “Rama flet me veten, bajat aq sa nuk do e pranonin as në Big Brother”

Nga takimi me mbështetësit në Kuçovë, Sali Berisha iu përgjigj Edi Ramës me epitetet që ky i fundit ka përdorur gjatë fushatës. Berisha e quajti...

Berisha premton nga Kuçova: Ballkani i Hapur do griset ditën e parë

“Unë vij tek ju, për të paraqitur programin e PD-së dhe Aleancës për Shqipërinë Madhështore si programin më të mirë që është paraqitur ndonjëherë...

Trump kërcënon Rusinë pas takimit me Zelenskin, përmend edhe sanksionet

Donald Trump ka ndryshuar përsëri qëndrim ndaj Rusisë. Menjëherë pas takimit me kreun e shtetit të Ukrainës, Volodymyr Zelenskyy, Trump kërcënoi Rusinë me sanksione...

Koçi: 5 miliardë lekë për lavanderinë që pastron njollat e turpit të Berishës

Deputeti i Partisë Socialiste Petro Koçi ka reaguar me një status në rrjetet sociale, duke akuzuar kreun e PD-së Sali Berisha për përpjekje të...

Lajme të tjera

Web TV