Pesë personat që mbetën të plagosur në masakrën e Don Boskos, ngjarje e ndodhur në lokalin e të shpallurit në kërkim, Fatjon Murati, ku mbeti e vrarë Mimoza Paja.
Në dëshminë e tyre për grupin hetimor,Sahit Murati (xhaxhai i Fatjon Muratit), Astrit Meraj, Emanuel Sala, Ermir Bejuku, Genc Shohalli, janë shprehur se në momentin që ka ndodhur ngjarja kanë qenë duke parë ndeshjen Juventus-Sampdoria.
Ata shprehen se sapo kanë dëgjuar breshërinë e kallashnikovit janë shtrirë në tokë në mënyrë instiktive. Por, nuk kanë arritur të njohin asnjë prej autorëve.
“Po shikonim ndeshjen Juventus-Sampdoria, ishim me kurriz. Instiktivisht u shtrimë në tokë për tu shpëtuar plumbave. Çdo gjë ndodhi shumë shpejt. Në një moment dëgjuam breshëri dhe nuk kuptuam asgjë,”- thanë të plagosurit.
Masakra ndodhi në Don Bosko. Dy persona qëlluan me breshëri plumbash në drejtim të lokalit të Fatjon Muratit duke lënë të vdekur banakieren Mimoza Paja, 58 vjeçe dhe pesë të tjerë të plagosur, mes tyre dhe një vajzë 10-vjeçare që u dëmtua nga xhamat e thyer. Të plagosurit e tjerë janë Sahit Murati (xhaxhai i Fatjon Muratit), Astrit Meraj, Emanuel Sala, Ermir Bejuku, Genc Shohalli, të gjithë jashtë rrezikut për jetën. Murati vetë ndodhej jashtë Shqipërisë në momentin që u krye atentati.
Ai është i njohur në botën e krimit dhe si miku i ngushtë i Endrit Dokles, madje është marrë në pyetje për masakrën e Fushë Krujës, ku mbeti i vrarë Brilant Martinaj me dy miqtë e tij. Tashmë është shpallur në kërkim.
