Rusia nis sulme të reja ajrore me dronë në Ukrainë

113 563 lexime

124,178FansaPëlqeje

Ukraina ka thënë se Rusia ka nisur sulme me dronë në disa rajone të shtetit përgjatë natës, pasi Gjykata Ndërkombëtare Penale, ka bërë të ditur se ka lëshuar urdhërarrestim kundër presidentit rus, Vladimir Putin, për krime të supozuara të luftës.

Forca ajrore ukrainase ka thënë se Rusia ka nisur 16 sulme me dronë në orët e para të 18 marsit, dhe se 11 dronë janë rrëzuar nga sistemet ajrore për mbrojtje “në qendër, perëndim dhe lindje”.

Në mesin e zonave të shënjestruara ka qenë kryeqyteti, Kievi dhe rajoni perëndimor Lviv.

Serhiy Popko, udhëheqës i administratës ushtarake të Kievit, ka thënë se mbrojtja ajrore ukrainase ka rrëzuar të gjithë dronët që janë nisur drejt kryeqytetit ukrainas, derisa Maksym Kozytskiy, guvernatori i rajonit të Lvivit, ka thënë se gjashtë dronë kanë shënjestruar atë zonë, dhe tre janë rrëzuar.

Shefi i stafit të Presidencës ukrainase, ka thënë se tre zyrtarë të lartë amerikanë për siguri kanë mbajtur një takim virtual me homologët ukrainas, për të diskutuar për ndihmën ushtarake për Kievin.

“Kemi diskutuar për ndihmë të nevojshme për shtetin tonë, në veçanti pajisje lëvizëse, armë dhe municion”, ka thënë Andriy Yermak në një postim në Telegram.

Ndërkohë, presidenti amerikan, Joe Biden, ka thënë se vendimi i Gjykatës Ndërkombëtare Penale “është i justifikuar” dhe se Putini “qartazi ka kryer krime lufte”.

Zëdhënësi i Kremlinit, Dmitry Peskov, ka thënë se Rusia i konsideron çështjet e ngritura nga Gjykata Ndërkombëtare Penale si “të papranueshme” dhe ka thënë se Rusia, sikurse shumë shtete tjera, nuk e njeh juridiksionin e kësaj gjykate.

Në Ukrainë, presidenti ukrainas, Volodomyr Zelensky, e ka quajtur vendimin si “historik, nga i cili do të nisë përgjegjësi historike”.

Lexo edhe :  Itali/ Studiuesit “identifikojnë” vendin e saktë të varrimit të Platonit

Lufta në Ukrainë ka nisur më 24 shkurt 2022.

Presidenti rus, Vladimir Putin, e quan luftën si “operacion special ushtarak” për të çmilitarizuar Ukrainën.

Perëndimi është përgjigjur ndaj Rusisë, duke goditur ekonominë e këtij shteti me sanksione të ashpra.

Si pasojë e luftës kanë vdekur mijëra persona dhe miliona të tjerë janë zhvendosur nga shtëpitë e tyre.

Të fundit

Balla në Emiratet e Bashkuara, takohet me liderët politikë, zbardhen temat e diskutimeve

Ministri i Brendshëm Taulant Balla ka vizituar Emiratet e Bashkuara ku ka zhvilluar një takim me liderët politikë në...

Vala e të nxehtit godet këtë vend, nuk do ta besoni sa shënojnë temperaturat

Filipinet po përballen me një valë ekstreme të të nxehtit, me autoritetet që kanë këshilluar qytetarët që të mos dalin jashtë “Është kaq nxehtë sa...

Ekzistojnë 4 lloje gjumashësh. Po ju çfarë tipi jeni?

Ju ndoshta jeni të vetëdijshëm për personalitetin që keni, mund të jeni introvert ose ekstrovert. Ju madje mund të dini edhe gjuhën e dashurisë...

Nga e drejta e abortit për vajzat mbi 16 vjeçe, te surrogacia/ Zbardhet projektligji

Zbardhet projektligji për shëndetin seksual dhe riprodhues. Në këtë projektligj një vajzë mbi 16 vjeçe mund të vendosë vetë nëse do të abortojë apo...

Çfarë ndodhi mes çiftit? Kriset marrëdhënia e Romeos dhe Heidit

Çifti Romeo Veshaj dhe Heidi Baçi, kanë debaruar me njëri-tjetrin në orët e para të mëngjesit në ‘Big Brother Vip’. Konkurrentja ishte mërzitur me...

Lajme të tjera

Web TV