Në 23 Shkurt emisioni Stop në Tv Klan transmetoi se si Forcat Operacionale dhe ato “Shqiponja” në Elbasan, në abuzim me detyrën, filluan një kontroll të paligjshëm fizik dhe të automjetit të emisionit “Stop”.
Ndërkohë gazetari kërkoi pa sukses një dokument, apo urdhër për këtë procedurë të Policisë së Shtetit.
Pas këtij incidenti, Drejtori i Përgjithshëm i Policisë së Shtetit, Muhamet Rrumbullaku urdhëroi Drejtorinë e Standardeve Profesionale për ngritjen e një grupi të posacëm hetimi për verifikimin e rastit.
Në përfundim të këtij procesi, drejtori Rrumbullaku njofton emisionin Stop me një shkresë zyrtare se janë marrë masat disiplinore “shtyrje e afatit të gradimit” dhe “vërejtje me paralajmërim për përjashtim nga Policia e Shtetit, për moszbatim të procedurave standarde të punës” për punonjësit e policisë të shfaqur në video.
