Presidenti i vendit, Bajram Begaj ka reaguar në lidhje ngjarjen kriminale të ndodhur jashtë godinës së “Top Channel” ku mbeti i vrarë roja e kësaj ndërtese.
Me anë të një postimi në rrjetet sociale, Begaj u bën thirrje organeve ligjzbatuese të zbardhin sa më shpejt rastin, ndërsa shpreh ngushëllimet për familjen e viktimës.
“Ngjarje vërtet e rëndë ajo e orëve të para të mëngjesit, ku godina e televizionit kombëtar “Top Channel” është qëlluar me armë, e ku për pasojë ka humbur jetën roja i sigurisë Pal Kola.
Teksa i shpreh ngushëllimet e mia familjes së z. Kola, inkurajoj organet ligjzbatuese ta zbardhin sa më shpejt dhe me përgjegjshmërinë më të lartë këtë ngjarje kriminale”, shkruan Begaj.
