Kreu i Partisë Demokratike, Sali Berisha, ka reaguar ashpër ndaj krimit që ndodhi para godinës së “Top Channel”-it ku mbeti i vrarë 60-vjeçari Pal Kola.
Me anë të një postimi në rrjetet sociale, Berisha shprehet se kjo është një tjetër dëshmi e pasigurisë që ekziston në vend nga vendosja e këtij regjimi në duart e krimit.
Kryedemokrati gjithashtu i ka shprehur ngushëllime familjes së viktimës.
“Një akt kriminal i shëmtuar.
Sulmohet me armë zjarri ‘Top Channel’ dhe ekzekutohet në kabinën e tij roja i objektit.
Dënoj me ashpërsinë më të madhe këtë akt të shëmtuar kriminal dhe i shpreh ngushëllimet e mia më të ndjera familjes së viktimës, miqve, të afërmve dhe kolektivit të ‘Top Channel’.
Denoncoj këtë akt kriminal, si dëshmi tjetër e dhimbshme e pasigurisë së plotë, që ekziston sot në vend nga vendosja e rendit nga regjimi në duart e krimit. sb”, shkruan Berisha.
