Real Madrid dhuroi spektakël për tifozët e pranishëm në “Santiago Bernabeu”. Skuadra e Carlo Ancelottit fitoi 6-0 ndaj Valladolid, përballje ku shkëlqeu Karim Benzema.
Kapiteni i “Los Blancos”, realizoi tre gola, brenda shtatë minutave! Rodrygo zhbllokoi takimin në mesin e pjesës së parë. Më pas Benzema “show”.
Topi i Artë 2022 shënoi njërin gol më të bukur se tjetri. Aksione të shpejta dhe të bukura të Realit, dhe finalizime fantastike të sulmuesit francez.
Benzema kthehet në futbollistin e parë të Real Madrid, i cili ia del të shënojë të paktën 20 gola në 11 sezone radhazi.
Në pjesën e dytë erdhën edhe golat e Asensios dhe Lucas. Fitore tenistike, me Realin që shkon me moral të lartë dhe formë të mirë në El Classico-n e Kupës së Mbretit në mesjavë.
