U hodh si ide dhe në Shqipëri/ Hapet në Itali shkolla për barinj: Ja si u vjen në ndihmë

113 563 lexime

124,178FansaPëlqeje

U hodh si ide dhe në Shqipëri, hapet në Itali shkolla për barinj: Ja si u vjen në ndihmë të rinjve në blegtori

Teksa ministrja e Bujqësisë dhe Zhvillimit Rural, Frida Krifca lajmëronte se në vendin tonë do të hapej një shkollë për barinj, të gjithë e morëm me të qeshur pasi ideja nuk dukej reale.

Megjithatë, kjo ide “ka ardhur në jetë”, në vendin fqinj, Itali.

Aftësimi i të rinjve si barinj e blegtorë në kushtet e shkëputjes së zinxhirit të trashëgimit të zanatit nga njeri brez në tjetrin, sidomos në zonat e thella malore, është ideja e krijimit të shkollave të barinjve në disa vende europiane, mbështetur nga programet e BE-së.

Së fundmi një kurs i tillë formimi profesional do të ngrihet në Prill në Itali e do të quhet “Shkolla e Barinjve”.

Gazeta prestigjoze italiane “La Repubblica” i kushtoi një artikull kësaj ngjarjeje ku shpjegon me detaje idenë që ka nisur të përhapet në vendet e BE-së.

Nën titullin “Hapet në Casentino shkolla e parë për barinj”, gazeta shkruan se: Krijimi i një shkolle për edukimin e barinjve dhe blegtorëve të rinj,  ka për qëllim  të kontribuojë për të përballuar mungesën e trashëgimit nga brezi në brez që prek këtë sektor, veçanërisht në zonat malore. “ShepherdSchool”, ndërtuar mbi modelin e eksperiencave evropiane, parashikon një rrugëtim formativ që i mundëson pjesëmarrësve pasjen me instrumenta bazë teorikë dhe praktikë, të nevojshme për hapjen e një aktiviteti të ri në këtë sektor.

Shkolla do të jetë e organizuar në mënyrë që të garantojë një ofertë të dyfishtë formative: një pjesë teorike – me leksione në klasë të drejtuara nga personel teknik i kualifikuar, me propozim specifik për secilin nga modulet (dymbëdhjetë në total, me kohëzgjatje tetë orë secili), shoqëruar nga vizita pranë ndërmarrjeve të këtij sektori – dhe një pjesë e dytë e praktikës, që zgjat gjithsej tridhjetë ditë (jo të vazhdueshme), në të cilën pjesëmarrësit do të punojnë së bashku me prodhues profesionistë në territorin e Parkut Kombëtar Casentino.

Lexo edhe :  E papritur: Nusja arrestohet para dasmës, ja arsyeja e padisë nga ish-bashkëshorti

Gazeta citon se “leksionet teorike do të mbahen gjatë fundjavave nga prilli në qershor, për t’i dhënë mundësinë e pjesëmarrjes edhe atyre që janë përkohësisht të punësuar diku tjetër. Ndërsa kurset do të mbahen nga docentë, studiues dhe ekspertë që i përkasin partnerëve (DAGRI – Università degli studi di Firenze, si dhe shoqatat Difesativa, Rete Appia dhe Slow Food, bashkëpunëtorë të projektit. Regjistrimi në shkollë është falas”.

Kjo masë, inicohet në kuadër të politikave ambientale evropiane, që tregon se shumë aktivitete ekonomike mund të kontribuojnë për të ruajtur diversitetin dhe zhvillimin e ekonomisë rurale, nënvizon në shkrimin e saj  “La Repubblica”.

Ministrja e Bujqësisë dhe Zhvillimit Rural, Frida Krifca e ka lancuar nismën edhe në Shqipëri disa kohë më parë, ku shpjegoi idenë e formimit profesional në fushën e blegtorisë.

Në një takim me petagogë dhe studentë të Universitetit Bujqësor të Tiranës, ministrja Krifca theksoi  faktin se “të jesh bujk e blegtor është një profesion i vështirë, i cili kërkon angazhim, pasion por edhe njohuri sepse bujqësia po zhvillohet me hapa të shpejtë përpara”. Në këto kushte tha ministrja, “ne duhet që këto njohuri t’ja sjellim më pranë çdo bujku e blegtori nëpërmjet kësaj skeme trajnimi e cila është hapi i parë i një historie të suksesshme të bujqësisë shqiptare”.

“Sistemet dhe teknologjitë e avancuara të mbarështimit të kafshëve (intensive dhe atyre/ekstensive);Kuadri ligjor dhe kërkesat/aplikimet në kuadër të IPARD; Teknologjitë e mbarështimit të blegtorisë (ushqimi dhe shëndeti i kafshëve); Teknologjitë e përpunimit të produkteve blegtorale ; Siguria ushqimore; Menaxhimi i sipërmarrjeve bujqësore; Përgatitja dhe analiza e plan bizneseve dhe projekteve në bujqësi, financimin; Kooperimi & Integrimi në Bujqësi, Ekstensioni dhe diversifikimi, janë në fokus të skemës së mbështetjes për trajnimin e blegtorëve, duke u bërë kështu hapi i parë që  do të kthehet në një instrument të përvitshëm trajnimi për fermerët dhe blegtorët në të gjithë vendin”, u shpreh ministrja.

Të fundit

Prilli muaji për i mirë i vitit! Ja cila është shenja fatlume e horoskopit

Dashi është shenja më e favorizuar e horoskopit për muajin prill. Pas një dimri të vështirë plot pengesa, vonesa dhe...

Pamjet e dhunës pas ndeshjes Flamurtari-Besa, trajneri Çela goditet me karrige në kokë

amjet pas ndeshjes Flamurtari-Besa kalojnë çdo limit. Trajneri i kavajsve Emiljano Çela, jo vetëm që u godit nga tifozët vlonjat të cilët pushtuan fushën, por...

“Përplasja jonormale” – Çfarë po ndodh mes Vjosa Osmanit dhe Albin Kurtit?

Përplasjet përmes rrjeteve sociale ndërmjet përfaqësuesve të Presidencës dhe Qeverisë së Kosovës, janë shpërfaqje publike e tensioneve dhe komunikimit “jonormal” mes këtyre dy institucioneve...

Pse thonë: “Fillo me këmbën e djathtë”?

Shumë besime e lidhin Zotin me këmbën e djathtë dhe djallin me të majtën. Prandaj, "Fillimi në këmbën e djathtë" do të thotë të...

Riarmatosja e Europës, Italia skeptike. Ekspertët të shqetësuar për borxhin publik

Plani i bashkimit europian për të rritur shpenzimet e mbrojtjes rreth bllokut, po përballet me sfida në Itali ku ka shqetësime të konsiderueshme lidhur...

Lajme të tjera

Web TV