Kryeministri Edi Rama mëngjesin e sotëm ka lënë spitalin, pasi një ditë më parë iu nënshtrua një operacioni për heqjen e apendisitit.
Kryeministri rreth orës 06.00 ka lënë ambientet e spitalit e QSUT, ku ndodhej i shtruar prej mëngjesit të djeshëm.
Kreu i qeverisë më 17 prill pas kryerjes së disa testeve imazherike në Qendrën Spitalore Universitare “Nënë Tereza”, u diagnostikua me apendisit akut. Në bazë të rekomandimit të mjekëve të shërbimit të urgjences, Kryeministri iu nënshtrua operacionit për heqjen e apendisdit në orët e para të mëngjesit. Operacioni zgjati rreth 1 orë me dhe u krye me laparoskopi.
Në një deklaratë për shtyp ditën e djeshme shefi i Kirurgjisë, Arben Gjata tha se Rama mund të lejë ambientet e spitalit brenda 24 orëve, ndërsa për rikuperim do t’i nevojiten 2-3 ditë.
