Deputetja e Partisë së Lirisë, Monika Kryemadhi është shprehur se në zgjedhjet e 14 Majit, opozita duhet të tregojë se do të sjellë shpresë.
Në një dalje televizive, Kryemadhi theksoi se sfida e opozitës është të arrijë votat e zonës gri.
“Transporti falas pati efekt, të paktën për 200 mijë familje në Tiranë. Çdo familje e sheh si ndihmesë, është të paktën 1 rrogë në një familje të varfër.
Ku do i gjesh lekët? Janë paratë e inceneratorëve.
Transporti publik u pëlqye dhe njerëzit e kuptuan.
Duhet punë për zonën gri dhe kjo është sfida e kandidatëve të kryetarëve të bashkisë. Pjesa gri ka një rëndësi, kërkon shpresë.
Pjesa gri është kundra qeverisë por do të shohë dritë shprese te opozita”, tha Kryemadhi.