Këngëtari Luiz Ejlli, në linjën e tij të jetës, ka rrëfyer disa nga momentet më të vështira, që nga ndarja e deri te heqja e licencës si noter, për të cilën është komentuar shumë në media, teksa ai vazhdon rrugëtimin e tij në “Big Brother”.
Ai rrëfen se pas ndarjes 10-vjeçare, ai mori një shtëpi me qira dhe vijoi punën në profesion si noter, por tregon se pas një kohe i hoqën licencën me pretekstin se e ka marrë në mënyrë të padrejtë.
Ai rrëfen se pas heqjes së licencës mbeti sërish mes katër rrugëve.
“Kur u kheva në Shqipëri fillova punë në profesion si noter në Tiranë. Nga kthimi filluan ato momentet e ftohjes mes meje dhe asaj për një zënkë momentale e vendosëm t’i jepnin fund.
Kam dalë nga shtëpia kam pasur vetëm makinën, ka qenë duke rënë shi, kam shty sediljen dhe kam fjet aty.
Kisha 37 mijë lekë të vjetra në xhep dhe asgjë tjetër.
Gjeta një shtëpi me qira dhe fillova avash-avash duke u ngritur derisa vendosën, të më hiqnin lincencën me pretekstin se e ke marrë në mënyrë të padrejtë dhe ngela prapë mes 4 rrugëve. Nuk lashë njeri pa i kërkuar ndihmë dhe askush nuk e vrau mendjen”, rrëfeu ndër të tjera Luizi.
