Kryeministri Edi Rama ka injoruar mbrëmjen e sotme kryetarin e komanduar të PD-së, Enkelejd Alibeajn, teksa ka folur për fushatën elektorale.
Rama tha në emisionin e Sokol Ballës se gjatë takimeve elektorale nuk e përmend Alibeajn, pasi është fatkeqësi më vete.
Kreu i qeverisë deklaroi se Alibeaj ka vulën e PD-së, por nuk ka të ndenjurat për t’i qëndruar në ballë betejës politike.
“Pse kush është tjetër në këtë fushatë? Cila PD? E ke seriozisht? Dhe nuk është çështje faktorizimi, unë merrem në parim, jo me ata personalisht, merren me ata se ata janë problem dhe turp për Shqipëri, jo Alibeaj me ata të tjerët, janë fatkeqësi më vete se kanë vulën, por jo të ndenjurat dhe duke mos pasur të ndenjurat, nuk i rrinë dot betejës. Flasin ata, janë ndarë nga dyshja, por jo nga ajo që përfaqëson, nuk kanë si ndahen, sepse janë të rrahur që të vegjël dhe janë jeniçerë që nuk ngrihen dot në lartësinë e të marrit të sulltanati të Likes. Këta të 2 duhet të marrin ndihmën e shtëpisë që të mos dalin më në kërkim të një vota”, nënvizoi kryeministri.
