Dashnor Sula ka bërë një bilanc për qeverinë vendore në katër vite dhe u ka bërë thirrje qytetarëve për pjesëmarrje në votimet për zgjedhjet lokale.
Nëpërmjet një postimi në “Facebook”, deputeti i Partisë Demokratike ka komentuar opozitës për të mos marrë pjesë në votime, duke e quajtur absurd.
Sakaq Sula shprehet se prej katër vitesh në Këshillat Bashkiakë nuk ka pasur të zgjedhur që të përfaqësonin qytetarët.
POSTIMI I PLOTË:
Si u përçmuan banorët e zonave rurale në 4 vite?!
Çdo e keqe e ka edhe një të mirë. Vendimi absurd i 2019 i opozitës per të mos marrë pjesë në votime, pati së paku një anë pozitive. Zbuloi përçmimin që mazhoranca ka për njerëzit e thjeshtë.
Si e zbuloi? Përgjigjen e jep Instituti për Bashkitë Shqiptare.
Në raportin vjetor të monitorimit, ky Institut vëren një shpërndarje e pabarabartë e shërbimeve publike midis zonave urbane dhe atyre rurale. Pra, ata qe jetojne ne qytet me te favorizuar sesa ata qe jetojne ne fshat.
Në raport thuhet se në 4 vite në
Këshillat Bashkiak nuk ka patur te zgjedhur, këshilltar që përfaqësonin dhe njihnin problematikat e fshatrave. Në fshatra jetojnë mbi 40% e banorëve të bashkive që rrjedhimisht janë nënvlersuar, janë përçmuar e neglizhuar.
Edhe në rastin si në 2019 ku mazhoranca ishte e vetme në garë, nuk futi ne institucionet e pushtetit lokal njerëz të kualifikuar dhe që përfaqësonin gjithë kategoritë e shoqërisë, por çoi në bashki “punëmbaruar” që gjatë gjithë kohës bëjnë skema për të zhvatur para nga tenderat.
Miqt e mi, ju keni 4 vite që e vuani këtë neglizhencë. Keni 4 vite që sju pret njeri për problemet tuaja. Ndaj më 14 Maj, para se të votoni mendoni se si u detyruat që të merrnit para borxh për të nisur fëmijët në emigrim.
Mendoni për orët e gjata dhe të lodhëshme që shpenzonit për të bërë vetëm një pyetje në bashki.
Dhe mbi të gjitha mendoni se si jeni përbuzur nga pushtetarët arrogantë sa herë shprehnit hallet tuaja.
