Kryeministri Edi Rama e ka nisur ditën me pamje nga punimet në tunelin e Llogarasë.
Tuneli është hapur në të gjithë gjatësinë e tij prej 6 kilometra dhe Rama shkruan se puna vijon me ritme të larta për armatimin e plotë deri në përfundimin e kësaj vepre strategjike.
“MIRËMËNGJES 😊 dhe me kantierin e Tunelit të Llogarasë, ku pas hapjes plotësisht në 6 kilometrat e tij, punohet me ritëm të lartë për armatimin e plotë deri në përfundimin e kësaj vepre strategjike, ju uroj një ditë të mbarë🙏” shkruan Rama në postimin e tij.
