Lavdrim Krrashi ka komentuar paralajmërimin e opozitës për nisjen e protestave pas humbjes në zgjedhjet lokale që u fituan nga PS.
Në një intervistë televizive, ai theksoi se opozita duhet të shpaloste programin e saj para zgjedhjeve ndërsa shtoi se situata në PD nuk është në interesin e shqiptarëve. Sipas tij shqiptarët nuk e kanë për borxh të dëgjojnë problematikat e demokratëve.
“Mënyra më e mirë që opozita të protestonte ishte të shpaloste programin për zgjedhjet lokale. Patjetër që është e drejta e saj për të bërë protesta sa herë që të dojë. Ajo që mua më shqetëson është fakti se nuk ia kanë borxh shqiptarët të dëgjojnë problematikat që kanë palët në PD, qoftë njëra apo pala tjetër e aq më tepër problematikat individule. Kjo nuk është në të mirën e askujt. Nuk është në interesin e shqiptarëve që PD të jetë ashtu siç është”- tha ai.
