“Mbaroi! Vijeni flamurin në gjysmë shtizë!”/ Fuga dënon ashpër për shkrirjen e ASA-s

113 563 lexime

124,178FansaPëlqeje

Ditën e djeshme, akademiku Artan Fuga publikoi një letër publike për kryeministrin Edi Rama, ku rendiste 10 argumente kundër projektvendimit që shkrinte Akademinë e Studimeve Albanologjike.

Por sot qeveria miratoi shkrirjen e Akademisë së Studimeve Albanologjike. Fuga ka bërë një tjetër reagim lidhur me këtë vendim, me të cilin jep edhe një mesazh për Ramën.

Me anë të një statusi në rrjetet sociale, ai deklaron se sot duhet ngritur flamuri në gjysmështizë, pasi pretendon se po luhet me historinë.

Ai thekson se shkrirja e ASA-s është një goditje vdekjeprurëse për kulturën kombëtare.

Reagimi i plotë:

Mbaroi!

Vijeni flamurin në gjysmë shtizë sot!

Mos kujtojë njeri se nuk e dija që letra ime më shumë do ta ndizte zjarrin e pasionit shkatërrues. Por, të lutesh për kulturën kombëtare nuk është kurrë turp. Është nder. Unë mund edhe të lyp për këtë. Di edhe të tjera gjëra të bëj.

Me durim.

Qysh sot, Shqipëria, pas ndofta një shekulli, nuk do të ketë më institut për albanologji, as një Qendër albanologjike si institucion më vete.

Hendeku është bërë greminë.

Kultura kombëtare ka marrë kështu një goditje vdekjeprurëse.

Pallavrat pa lidhje në shërbim të lobive antikombëtate nuk e mbulojnë dot gjëmën e ndodhur.

Shihni programet mësimore të gjimnazit, aprovuar nga Ministria e Arsimit, një keqtrajtim i ndyrë i trashëgimisë letrare, filozofike, artistike, kulturore kombëtare, një minim me tritol administrativ i traditave tona që duhej të mbanin lidhur popullin me atdheun.

Është një platformë e tërë!

Dhe pyesin gjoja të habitur: Përse ikin shqiptarët nga atdheu, nuk ikin serbët, nuk ikin boshnjakët, nuk ikin maqedonasit! Ja përse ikin. Se na kanë tharë çdo gjë kombëtare.

Lexo edhe :  "Hap drejt BE!" Komisionerja Kos uron Shqipërinë për hapjen e Grup-Kapitullit 3

Është një disfatë tjetër. Shumë më e ndershme ama se ajo e atyre që me të tilla fitore do të kenë turpin me vete.

Mund të luash me pushtetin, por me historinë kurrë.

Kujtesa nuk do ta harrojë. Ka pasur kohë edhe me errëta dhe hiri është ndezur përsëri.

 

Të fundit

Trump i hoqi, universiteti i Hong Kongut mirëpret studentët e Harvardit

Hong Kongu ka thënë se do t'i hapë universitetet e tij për më shumë studentë ndërkombëtarë, duke theksuar ata...

Dështon Bayern, talenti Florian Wirtz zgjedh klubin e madh anglez

Florian Wirtz ka marrë vendimin për të ardhmen e tij. Mesfushori me tipare sulmuese i Bayer Leverkusen, një nga emrat më të përfolur të...

SPAK sekuestron 100 telefona në një muaj, bastisen zyrat e bashkisë

Përgjatë muajit maj oficerët e bkh-së dhe spak kanë sekuestruar afro 100 telefona celularë. Përfshi ato të zyrtarëve të lartë, krimit të organizuar dhe...

Barcelona dhe Real Madrid vihen në garë për portierin e së ardhmes

Një garë Real Madrid - Barcelona ka nisur në merkato. Bëhet fjalë për një portier premtues. Drejtori sportiv i katalanasve, Deco, po ndjek 23-vjeçarin Lucas...

Blerje shtëpie apo depozitë? Banka e Shqipërisë tregon bilancin e shqiptarëve

Të pasurit një pronë dhe trashëgimia e saj tek brezat pasardhës i ka orientuar shqiptarët t’i investojnë më shumë të ardhurat në pasuritë e...

Lajme të tjera

Web TV