“Situata më e rënda që nga viti 1999”/ Haradinaj: Kurti të largohet, paraqet rrezik

113 563 lexime

124,178FansaPëlqeje

Kryetari i Aleancës për Ardhmërinë e Kosovës, Ramush Haradinaj tha se është i shqetësuar për situatën e krijuar në veri të vendit.

Në një deklaratë pas mbledhjes së Kryesisë së AAK, Haradinaj u shpreh se situata është më e rënda që nga viti 1999, duke shtuar se përgjegjës për është kryeministri Albin Kurti.

Ai ka përsëritur edhe sot kërkesën për dorëheqjen e Kurtit, me arsyetimin se paraqet rrezik për vendin.

“Jam shumë i shqetësuar për situatën në vend. Ajo sot është më e rënda që nga viti 1999. Shoh përgjegjës të drejtpërdrejtë të kësaj situate, kryeministrin Albin Kurti.

Prandaj ai duhet të largohet menjëherë. Çdo ditë e tij në krye të Qeverisë, është e dëmshme dhe e rrezikshme për vendin”, ka deklaruar Haradinaj.

Ai ka shtuar se është hera e parë në histori që miku më i madh i Kosovës, ai që luftoi për lirinë tonë dhe që i vuri themelet e shtetit të pavarur të Kosovës, Amerika, i vendos sanksione Kosovës.

“Dhe fajtor për këtë është një njeri, Albin Kurti.

Prandaj u bëj thirrje të gjithë atyre që ia duan të mirën vendit të tyre, qofshin në Vetëvendosje apo në partitë tjera politike, qytetarë në vend e në diasporë, që sot ta ndihmojnë Albin Kurtin, dhe ndihma e vetme e tyre është që ta bindin Albin Kurtin që të largohet nga kreu i Qeverisë, sepse është bërë i dëmshëm dhe i rrezikshëm për të ardhmen e këtij vendi.

Ai i cili i sjellë sanksione Kosovës nga Amerika, (kushdo qoftë ai) nuk mund ta drejtojë këtë vend”, tha ai.

Të fundit

“Më parë në humnerë…sot paga si në NATO”/ Rama: Do të ndërtojmë industrinë e Mbrojtjes

Zall Herr- Kryeministri Edi Rama në prezantimin e kapaciteteve të Forcave të Armatosura, u shpreh gjendje në të cilën ishte...

Nuk falin kurrë! Këto janë 3 shenjat më hakmarrëse të horoskopit

Akrepi Personat e kësaj shenje njihen për natyrën impulsive, pasionante dhe shpesh misterioze. Ata janë thellësisht emocionalë dhe jashtëzakonisht mbrojtës – si për ndjenjat e...

Bleona Qerreti takon presidentin e Argjentinës/ Kemi pasione të njëjta!

Këngëtarja shqiptare me famë botërore, Bleona Qerreti, ka ndarë një moment interesant nga vizita e saj në Mar-a-Lago, rezidenca luksoze e Donald Trump në...

Ushtria shqiptare operacione ushtarake në Zall Herr, i pranishëm edhe kryeministri Rama

Kryeministri Edi Rama është i pranishëm në repartin e operacioneve speciale në Zall Herr ku po demonstrohen operacione ushtarake. Kryeministri Rama shoqërohet edhe nga ministri i Mbrojtjes,...

Lajme të tjera

Web TV