Kryeministri Edi Rama ka folur mbrëmjen e sotme në lidhje me tensionet në veri të Kosovës, ku protestuesit serbë kanë sulmuar ushtarët e KFOR-it dhe mediat.
Rama deklaroi se Kosova duhet të shkojë menjëherë në zgjedhje.
Kreu i qeverisë tha në një lidhje me Blendi Fevziun se serbët e Kosovës duhet të kthehen në institucione.
“Kjo është një situatë e rrezikshme dhe e panevojshme. Nuk më takon mua të nxjerr përgjegjësit, por unë sot jam kthyer nga Moldavia ku ishin të gjithë liderët e BE dhe qëndrimi unik i të gjithë liderëve të BE, është i njejtë me atë të SHBA që kjo situatë është e papranueshme dhe në këtë situatë ka dy gjëra për të bërë. Serbët duhet të kthehen në institucione, Kosova të shkojë në zgjedhje menjëherë”, theksoi ndër të tjera Rama.
