Sekretari i Përgjithshëm i Partisë Demokratike Gazment Bardhi ka reaguar pas vendimit të Gjykatës Kushteuese, e cila rrëzuar kërkesën për shfuqëzimin e VKM-së për ndërtimet pa leje.
Me anë të një postimi në Facebook, Bardhi shkruan se GJK-ja nuk i rezistoi dot presionit dhe shantazhit të kryeministrit Edi Rama.
Po ashtu ai ka theksuar se kjo VKM është thelbi i qeverisjes së Ramës, ku parashikon burg për qytetarët e thjesht dhe amnisti për oligarkët.
Postimi i Bardhit:
Asnjë surprizë! Vendimin e sotëm të Gjykatës Kushtetuese e ka shpallur Edi Rama më 15.12.2022, ku kërkoi nga GJK të mos lajthisë dhe e sfidoi hapur duke paralajmëruar moszbatimin e çdo vendimi të ndryshëm. Për fat të keq Gjykata Kushtetuese nuk i rezistoi dot presionit dhe shantazhit të Kryeministrit dhe oligarkëve të tij! VKM-ja që legalizon ndërtimet pa leje të oligarkëve është thelbi i qeverisjes së Edi Ramës: Burg për qytetarët e thjeshtë, amnisti dhe legalizim për oligarkët.
